Собрание

Координација на пратеничките групи за францускиот предлог, треба да се закаже пленарната седница

На редовната координација во Собранието денеска ќе се разговара за тоа кога би можела да се одржи пленарната седница за Информацијата за содржината на предлог – преговарачката рамка за пристапните преговори на Македонија со Европска Унија, предложена од страна на pретседателството на Франција со Советот на Европска Унија на 30 јуни.

Претседателот на Собранието Талат Џафери пред неколку дена изјави дека за тоа ќе се разговара на редовната координација на која како владин претставник ќе присуствува вицепремиерот за европски прашања Бојан Маричиќ.

„Во понеделник имаме координација на која ќе присуствува и владиниот претставник и ќе разговараме. Ќе се направи проценка. Материјалот е дојден во Собранието, но во понеделник треба да почне и седницата за ребалансот на Буџетот“, изјави Џафери.

Како што појасни, доколку има потреба седницата може да биде прекината и да се закаже нова на која на дневен ред би била Информацијата испратена од Владата.

Пратениците од опозицијата побараа од претседателот на Собранието да ги врати материјалите назад во Владата со забелешка дека е испратена само Информација, без ниту еден документ. Пратеникот и член на ИК на ВМРО-ДПМНЕ Антонијо Милошоски вели дека тие ќе бидат присутни во Собранието бидејќи почнува дебата за ребалансот на Буџетот и дека ќе направат се што треба за да го претстават мислењето на граѓаните за францускиот предлог.

Од СДСМ, пак, сметаат дека одговорноста е на законодавниот дом да донесе натамошни заклучоци, согласно собраниските процедури. Претседателот на Собранието со став дека сите документи се веќе јавно достапни и секој може да ги види.

Во меѓувреме, во земјава продолжуваат протестите против францускиот предлог, кои се поддржани од опозициската ВМРО-ДПМНЕ и од Левица. Протестен марш се одржа вчера од Владата преку Министерството за правда до Собранието, а протест е најавен и за денес. 

 

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе

Ех какво време дојде, да се стремиме кон нула. Уште повеќе, да постигнеме нула.

повеќе

Како да ги зачуваме националните и креативни наследства со помош на вештачката интелигенција?

повеќе