Конфликтот Мицкоски-Арсовска продолжува на билборди (ФОТО)

Во Скопје денеска се појавија неколку билборди со ликот на претседателот на ВМРО-ДПМНЕ Христијан Мицкоски на кои пишува - „Пари, тендери и бизнис интереси на Мицкоски и ВМРО-ДПМНЕ, затоа ли се кавгите во Град Скопје? Кај е шпицниот градоначалник?“ На билбордите не пишува кој е нарачател.

Овие билборди се поставени на повеќе локации низ Скопје. По неколкудневните препукувања на релација Данела Арсовска, градоначалничка на Скопје, директори на неколку градски претпријатија, решенија за откази, најави за кривични пријави и партиите ВМРО-ДПМНЕ и СДСМ, денеска се објавени и овие пораки.

Денеска ВМРО-ДПМНЕ соопшти дека Арсовска е новото лице на СДСМ. „Таа е лидер на новоформираната клептоманска коалиција каде се собрани уценети луѓе од Спасовски, Зечевиќ и МВР. Затоа СДС од петни жили се труди да ја одбрани Арсовска и нејзината инволвираност во злоупотреби со пречистителната станица и директни конекции со турската компанија за која однапред знае каква понуда дала. СДС дури во ова тешко време на енергетска криза не жали пари да мести билборди само да ја одбрани Арсовска“, соопшти ВМРО-ДПМНЕ.

Од СДСМ одговорија дека „кавгите во Градот Скопје, за пари, бизнис интереси и тендер вреден 136 милиони евра се на директна штета на граѓаните и го покажува вистинското лице на Мицкоски и ВМРО-ДПМНЕ“.

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе