Втор конгрес на партијата

Касами останува лидер на Беса, за потпретседател избран Хоџа

Билал Касами останува на лидерската позиција на движењето Беса, а заменик претседател ќе биде досегашниот генерален секретар Аријанит Хоџа. Функцијата заменик претседател за прв пат е воведена на денешниот Втор конгрес на партијата што се одржа во Скопје.

Инаку, Касами немал противкандиат за претседателската функција. 

„За мене е голема чест истовремено и одговорност да бидам на чело на една партија која докажа дека е доследна на принципите за кои се залага дека е заштитник на сите на кои им се прави неправда“, рече Касами.

Централниот одбор и другите раководни партиски тела ќе бидат назначени дополнително.

Касами истакна дека Беса се враќа на политичката сцена „на голема врата“, како и дека остануваат посветени на проблемите на обичниот граѓанин и на членството во Европската унија.

„Ќе се залагаме за еднаквост, слобода и за продолжување на патот кон целосна интеграција на Македонија во ЕУ. Особено по последните случувања во Украина, ќе треба да се залагаме за целосно зачленување во ЕУ, затоа што само така ќе бидеме побезбедни и ќе можеме да создадеме подобра иднина“, изјави тој.

Како опозициска партија, Касами рече дека Беса  ќе се залага за што побрзо одржување на предвремени избори, затоа што, како што нагласи, власта не е спремна да ги заштити интересите на граѓаните, особено во сложената ситуаија во која што се наоѓаме.

Одговарајќи на прашање на новинарите, Касами рече дека партијата се залага за здружување на опозициските партии, но доколку не дојде до тоа, подготвени се на следните избори да излезат и самостојно.

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе