Изјава на европратеникот од Бугарија

Како ќе објасниме дека даваме датум за Албанија, а не и за Македонија, прашува Ќучук

Нелогично и тешко е да се објасни тезата дека ќе ја пуштиме Албанија да отпочне преговори со ЕУ, а за Северна Македонија ќе го гледаме прашањето од историски аспект, изјави бугарскиот европратеник и известувач на ЕП за земјава, Илхан Ќучук. Според него, Европа не сака отворање на историски прашања кои ја зассегаат и неа, но дека од аспект на човековите права е логично македонскиот Устав да се отвори за Бугарите.

„Оваа теза е многу тешка за објаснување. Европа тешко ги разбира заплетканите историски разговори, бидејќи мора да ја отвори Пандорината кутија за сопствената историја, а таа не сака да го направи тоа. Но, Европа ги разбира многу добро човековите права и слободи. И затоа фер е барањето Бугарите во Северна Македонија да бидат составен дел од македонскиот Устав“, рече Ќучук за БНР, како што пренесува МИА.

Вели дека има зголемен и легитимен притисок од европските институции за решавање на прашањето со Македонија и оти проширувањето е клучен приоритет на оваа Европска комисија.

„Бугарија нема за што да се грижи, најмалку да се обидува да избегне искрен, отворен разговор со Северна Македонија – како за минатото, така и за иднината. Но, очигледно е дека од национална гледна точка немаме јасно изразена позиција на ниво на власт. Ако оваа Влада треба да се критикува аргументирано – тоа е неможноста да постигне консензус за клучните прашања. Едно од нив е Северна Македонија, другото е односот кон Украина“, коментира Илхан Ќучук.

Според него, формулата за решавање на прашањето, треба да биде резултат не само на внатрешните коалициски напори, туку и вклучување на опозицијата.

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе