Кабинет на Пендаровски: На средбата со Врабевски не стана збор за какво било финансирање на бугарски клубови во Македонија

Од кабинетот на претседателот Стево Пендаровски потврдуваат дека лани на 27 август имало средба со бугарскиот бизнсимен Милен Врабевски, но единствена тема на разговорот била пандемијата и неговата помош за вакцинирање на македонските граѓани. Врабевски е главниот финансиер на бугарските клубови во Битола и Охрид. За финансирање на бугарски клубови во Македонија воопшто не станало збор, се вели во одговорот на кабинетот на претседателот на прашањето на МКД.мк.

Милан Врабевски

Средбата се одржа на официјално барање на бизнисменот Врабевски (во прилог) за помошта во неколку здравствени установи  (Струмица, Делчево и Свети Николе) на неговата компанија „Комак медикал“ и вакциналните центри отворени на граничните премини. Во неговото писмо се вели: „Сакам со мојата екипа да продолжам да дејствувам на ваков начин со единствена цел односите меѓу двете држави да се братски“.

Милен Врабевски преку неговата фондација „Бугарска меморија“ е финансиерот и на бугарските клубови „Иван Михајлов“ и „Цар Борис Трети“ во Битола и Охрид. Тој деновиве изјави дека имал средби со повеќе наши јавни функционери, а освен со Пендаровски, наведува дека имал средба и со поранешниот премиер Зоран Заев и со владиката Наум. „Нема ништо чудно во тоа што филантропи како мене да се во постојана комуникација со политичарите“, изјавува Врабевски и додава дека за отворањето на бугарски клубови е нормално и неопходно, не само во Македонија, туку во секоја земја каде што има Бугари.

Денеска Советот на Благоевград одлучи да го забрани отворањето на македонскиот културен клуб „Никола Вапцаров“ што требаше да се отвори на 30 октомври.

А.Д.

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе