Високиот функционер на интегративците со одговор до „огнената група“

Груби: Нема раскол во ДУИ, видовте дека сите вчера беа построени зад Ахмети

Нема раскол во ДУИ, па нели видовте вчера дека сите беа построени зад лидерот Али Ахмети. Вака одговори најблискиот соработник на Ахмети и прв вицепремиер на новинарско прашање поврзано со барањето на „огнената група“ за негово разрешување од функциите, посочувајќи на тој начин на вчерашната средба на скопската група од „огнените“ со лидерот Ахмети одржана во Мала Речица.

Прашан за барањето за негово разрешување и дали смета дека е незаменлив во ДУИ, Груби рече:

„Не само ДУИ, туку кој било општествен процес може без секого, но се наоѓаме во пресудни моменти на енергетска криза и на други кризи кога секој од нас треба да даде придонес за надминување на проблемите, пред сѐ во интерес на државата и граѓаните. Јас имам најмалку заслуги за ДУИ, најмногу заслуги секако има Ахмети, како и сите членови на ДУИ во изминатите години“.

Тој потоа и нагласи:

„Нема Ахмети потреба од ДУИ, туку ДУИ има потреба од Ахмети. Видовте вчера, сите беа построени зад Ахмети“.

Груби оцени дека и јавноста и новинарите, па и конкурентските партии, знаат дека ДУИ има цврсти позиции во Владата и дека партијата е носител на значајни проекти.

„Во вакво компликувано време нема потреба од дефокусирање од задачите кои се пред нас во интерес на државата. Претстојат важни одлуки поврзани со отпочнатиот евро-процес, тука е и борбата со корупцијата, големи инфраструктурни проекти како автопат кој ќе не поврзе со Тирана, Впрочем, вчера Ахмети ги реафирмира одлуките од Конгресот кои значат стратегиски задачи за партијата“, рече Груби. 

Како да ги зачуваме националните и креативни наследства со помош на вештачката интелигенција?

повеќе

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе