Пред средбата со Заев

Гаши: Алтернатива е подготвена да помогне ако се договориме за концептот за излез од кризата

За Алтернатива се битни политичките критериуми и новиот концепт за излез на земјата од кризата, а министерските места се вториот, секундарен, односно понебитен дел, изјави претседателот на Алтернатива, Африм Гаши, пред почетокот на втората средба со премиерот Зоран Заев за влез на партијата во Владата.

„На последниот состанок на Централното претседателство на Алтернатива се  договоривме, дојдовме до заеднички став да дадеме шанса на излезот од политичката криза, шанса земјата да излезе од енергетската и здравствената криза и најважно сакаме да помогнеме државата да не ја изгуби историската шанса за започне преговори за членство во ЕУ.  

Ќе видиме каков е концептот на премиерот и сегашните партнери и што очекува од нашиот придонес во идната влада. Ако успееме да изградиме нов концепт, поголеми промени, мислам дека Алтернатива е подготвена да помогне“, рече Гаши.   

За тоа дали Димитар Ковачевски е прифатливо име за премиер на државата, Гаши кажа дека тоа е одлука на СДСМ.

„Не е одговорно ние да бараме од друга партија кој ќе биде мандатар или премиер. Тоа е работа на СДСМ, таа е најголема партија и тие треба да одлучат за тоа“, вели Гаши.

Прашан дали ќе го бараат Министерството за здравство како ресор, тој кажа дека нема да се разговара за тоа на средбата со премиерот Зоран Заев туку само за концептот.

Во однос на можноста за предвремени избори, тој рече дека интерес на сите граѓани е да нема брзи избори.

Ова е втора средба на Заев и Гаши, откако на 19 ноември разговараа за условите и улогата на Алтернатива во новото парламентарно мнозинство, а конечната одлука беше оставено да ја донесат партиските органи.

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе