Џафери не ги коментира најавите ни за уставните измени ни за референдумот: Опозицијата хипотетички прави ситуација

Претседателот на Собранието Талат Џафери вели дека не се подготвува за предвремени избори и ја потсетува опозицијата дека за тоа се потребни претходни подготовки имајќи предвид дека сто дена пред вакви избори е потребно формирање техничка Влада, објави МИА.

Џафери на денешната средба со новинарите рече исто така дека е преурането да ги коментира најавите за уставни измени и за референдум во врска со европскиот предлог. 

„Нема материјал за да се изјаснам. Опозицијата хипотетички прави ситуација“, изјавил Џафери.

Во врска со актуелните случувања во Парламентот со немањето кворум и активната блокада од ВМРО-ДПМНЕ, тој смета дека пратениците треба да си ја заработат платата и да бидат во салата, а дека проблемите во владејачката коалиција треба да се решаваат политички, а не со неприсуство и негласање на законите.

„Не е прашањето на еден субјект, туку еден па друг субјект. Ако односите во извршната власт имаат проблем поради политичките договори, треба таму да ги решаваат. Мене политички договори не ме интересираат. Овде сме дојдени за гласање на закони“, рече Џафери.

На средбата со лидерите на парламентарното мнозинство не присуствувале Африм Гаши од Алтернатива и Павле Трајанов од ДС.

„Има две решенија или ќе бидеш присутен или ќе го распуштиш Собранието или направи друго мнозинство. Должни се да присуствуваат на седница“, вели тој.

Џафери уште порачува дека грешат ако сметаат дека Собранието е „точката каде што ќе поставуваат ултиматум“.

„Не ме условуваат мене, туку граѓаните“, рече тој.

Одговарајќи на тврдењата дека Собранието е неефикасно и нефукцинонално поради немање кворум, Џафери потенцира дека од почетокот на неговиот мандат само 10 отсто од точките што биле на дневен ред на седниците не се завршени.

Тој побара од пратениците на ВМРО-ДПМНЕ да ги остават партиските прашања надвор, дека не може да бараат пауза, а да не се во собраниската сала, дека не смее никој да излезе на говорница додека не добие збор, како и дека не може за него да изнесуваат навреди на лична основа а тој да не одговори на тоа.

„Ако некој почнал на лична основа јавно да ме навредува, што сум јас таму. Не е ниту еден отсто тоа што им враќам на тие навреди. Мора да сметаат на мојот карактер и јас имам праг на толеранција“, вели Џафери.

За отсуствата од седниците на лидерот на ДУИ Али Ахмети и на ДПА Мендух Тачи, вели дека за изјаснување односно гласање тие се најредовни во Собранието. Осуството на Ахмети, според него, е поради партиски активности како лидер на партија.

Собранието официјално оди на одмор по Илинден, а првите активности се очекуваат од 29 август. Првата редовна седница ќе биде закажана за 13 септември, а дотогаш ќе се одржуваат седници на комисии и продолженија на незавршени седници.

 

 

 

 

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе

Ех какво време дојде, да се стремиме кон нула. Уште повеќе, да постигнеме нула.

повеќе

Како да ги зачуваме националните и креативни наследства со помош на вештачката интелигенција?

повеќе