ПРЕМИЕРОТ СЕ ОГЛАСИ НА ФЕЈСБУК

Димитриев за Рама: Неодговорен социјалист кој најотворено подгрева национализам

Премиерот Емил Димитриев реагира на изјавите на неговиот албански колега Еди Рама со статус на Фејсбук, порачувајќи дека неговите „сценарија“ значат неодговорност од социјалист кој најотворено подгрева национализам. 

„Додека мојот колега од Албанија „од ракав“ вади сценарија за спојувања на Албанија и Косово, доколку пропадне европската интеграција на државите од регионот, негови дежурни адвокати се трудат да го правдаат со теза дека тоа што Рама бара домашни предизборни поени преку брутално мешање во македонските процеси биле од „'пријателска природа“.

Каква неодговорност од социјалист кој најотворено подгрева национализам! Додека владее конфузност кај политичари во соседството дали сакаат да поддржат навистина пријателски дух во регионот или не, сакам да им порачам дека ние, иднината на Македонија ја гледаме во Европската унија и немаме дилема во однос на овој стратешки приоритет“, пишува Димитриев на Фејсбук.

Ваквите изјави на Рама, според него, не се во прилог на добрососедството и градењето пријателски односи. Напротив, вели Димитриев, додаваат масло на огнот кој тлее и ги разгоруваат националистичките чувства кај сите поединечно.

„Дури и ЕУ нема дилема дека иднината на државите од Регионот е во ЕУ. Само Рама со неговиот тим ги има и очигледно мисли дека со неговите алтернативи добива предизборно и ги покрива домашните слабости. Никакво територијално прекројување, обединување или разединување не е во насока на поголема стабилност и мир, ниту на просперитет. Секоја држава од регионот е суверена држава, a главна цел треба да ѝ биде зголемување на стандардот на граѓаните, во сопствените граници. Доколку сите работиме посветено на решавање на проблемите дома, полесно ќе можеме да се приближиме кон европското семејство“, пишува Димитриев.

Тој уште додава дека иднината на регионот не е во обединувањето на две држави или повеќе територии, туку иднината е во обединувањето на сите околу европските вредности во ЕУ.

Не верувам дека Суперкупот нема да се одржи во Скопје. Ако намерата беше таква, досега УЕФА тоа одамна ќе го стореше. 

повеќе

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе