Локални избори

ДИК: Гласањето и молкот продолжуваат и по 19 часот, излезноста до 15 часот е 31,8 отсто

Гласањето за граѓаните кои ќе се најдат на избирачките места и во дворовите на објектите и по 19 часот ќе продолжи сѐ додека тие не го остварат своето право на глас, изјави денеска претседателот на Државната изборна комисија (ДИК) Александар Даштевски.

ДИК испратил мејл до општинските изборни комисии со известување да ги информираат избирачките одбори да им овозможат на граѓаните да гласаат и по 19 часот, ако е потребно. Причината за ова се бројните проблеми кои се појавила при употребата на апаратите за отисок на прстите. Изборниот молк ќе трае додека ДИК официјално не потврди дека се затворени сите избирачки места.

Бројни се информациите од избирачките места за застои при употребата на „фингерпринтовите“, гласањето се успорува, се создаваат турканици. Дури една четвртина од отпечатоците од прсти добиени од новите апарати не биле со добар квалитет. Во седум избирачки места се гласа со УВ ламба и спреј, како на претходните избори.

„За Град Скопје има четири ливчиња, има огромни избирачки списоци, проверката трае двојно подолго. И таму ќе биде дозволено да се гласа сè додека не гласа и последниот гласач“, рече Даштевски.

До 15 часот излезноста на гласачите е 31,8 отсто од добиени податоци од 69,86 отсто од избирачките места. На овие избирачки места гласале 403.715 гласачи.

Досега се поднесени 134 приговори за заштита на избирачко право, од кои 63 се прифатени, а десет се одбиени.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе