ОПШТИНСКИ ИНСПЕКТОРАТ

Центар: Новиот штаб на ВМРО-ДПМНЕ нема употребна дозвола, објектот зафаќа и државен имот

Од општина Центар информираат на неправилности при извршениот инспекциски надзот на градбата на градежната фирма „Бетон“, чиј дел е и новото седиште на владејачката партија, сега именувано „Палата Христо Татарчев“.

„Инспекцијата, при увидот на лице место, констатираше дека инвеститорот има ставено во функција дел од објектот, иако за тоа не се исполнети законските предуслови. Односно, објектот е во фаза на изградба и согласно Законот, БЕТОН не може да достави записник од надзорен орган со кој ќе побара технички прием и упис во Катастар. Попрецизно кажано, објектот нема употребна дозвола“, соопштуваат од општина Центар.

Од увидот, како што велат, инспекцијата констатирала дека над влезот на објектот на ВМРО – ДПМНЕ има балкони и покриен дел, иако градежната маркица завршува со објектот.

Тврдат инвеститорот немал законско право градбата да ја прошири над делот кој е сопственост на Република Македонија. Според увидот, објектот излегувал од границите на градежната парцела и зафаќа дел од државниот имот.

„Инвеститорот се обиде да објасни дека од град Скопје добил дозвола за поставување урбана опрема на јавна површина, но овој дел не може да влезе во категоријата на урбана опрема. Се работи за градба, и затоа инспекцијата на општина Центар ќе ги побара документите од град Скопје и од инвеститорот АДГ Бетон и, согласно позитивните прописи, ќе донесе соодветни управни акти“, велат од Центар.

Од понеделник, инспекција на општина Центар повторно ќе побара од инвеститорот да овозможи увид на дел од објектот кој е пуштен во функција, со цел да констатира дали градбата одговара на одобрениот проект, доставен и одобрен од општина Центар.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе