Амбасада на САД во Софија: Не сме покренале прашање за македонско малцинство во Бугарија

САД ги поддржуваат напорите на владите на Бугарија и Северна Македонија да соработуваат, заедно со ЕУ за решавање на билатералните проблеми, соопштила американската амбасада во Софија откако дел од бугарските медиуми објавија дека високиот амрикански функционер Габиел Ескобар за Гласот на Америка на македонски кажал дека амбасадата на САД во Софија и бугарската влада работат на прашањето за македонското малцинство во Бугарија.

Како што објави БНТ, американската амбасада им одговорила дека има погрешни интерпретации на интервјуто во однос на политиката на САД во регионот.

„Амбасадата на САД не ги покренала споменатите малцински прашања пред бугарската Влада. Нашите дискусии со бугарската Влада се фокусирани на нашата заедничка визија за посилна, попросперитетна и обединета Европа преку интеграција на сите нејзини делови, вклучително и Западниот Балкан“, пишува во одговорот од амриканската амбасада на прашањето на БНТ.

Од бугарската телевизија додаваат дека го имаат целото интервју и во него се гледа дека зборовите „македонско малцинство“ се содржани во прашањето на новинарката, а не во одговорот на Ескобар.

На прашањето што е направено досега и дали има некаков напредок во однос на прашањето за прекршување на човековите права на македонското малцинство во Бугарија, Ескобар во однос на разговори со бугарската Влада ја упатува новинарката на амбасадата во Софија.

 

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе