Алијанса за Албанците: Со каква заслуга пропаднатиот директор на Македонска пошта стана директор на Македонски патишта

Партијата Алијанса на Албанците обвинува за непотизам при назначувањето на кадри на ДУИ на директорки места.

„Во ова време на пандемии, кога сите се соочуваме со здравствени и економски последици, ДУИ ги прави последните пресметки за споделување на владината торта. За оваа партија што ја претвори земјата во тиранија, малку е важно, пандемијата и бројот на болни и мртви од корона вирус, тие не се грижат за сиромаштијата, скапите сметки за струја, алармантната миграција.

Единствената грижа на оваа партија и во оваа економска криза продолжува да биде „удобноста" на нивните функционери на високи државни функции. Оваа партија, која влегува во третата деценија од Владата, ја изгуби политичката смисла и чувството за функционирање. Стана приватна компанија и сопственост на раководството да назначува политички крадци, да краде и да се збогатува бесконечно, од државниот буџет и даночните обврзници на РСМ и никогаш да не одговара за корупција и злоупотреба на службената положба. Нивните функционери како Ејуп Рустеми, кој се очекува да биде директор на патиштата на Македонија, кој доаѓа на оваа позиција од генерален директор на Македонска пошта, по два мандати пратеник, е најлошиот пример на ДУИ што покажува дека оваа партија е малку поразлична од комунистичките партии карактеризирани со доживотни кадри. Овој пропаднат директор на Македонска пошта, се поставува прашањето со каква заслуга ја доби функцијата директор на Македонски патишта?

Што е со предлогот на Јетон Акики, директор на АЕК, инаку зет на вечниот Невзат Бејта со што ја заслужува оваа позиција, освен што станува збор за зет на Невзат Бејта кого нивната партија го претвори во династија за членовите на нивното семејство?

Што е со браќата Бесими? Едниот доживотен директор на Тетовската болница и другиот министер на сите министерства во земјава и на крај министер за финансии? Кој политички субјект може да биде ДУИ кога ја заснова својата политичка активност врз класичниот непотизам, спречувајќи ги младите кадри да се развиваат политички? Нема ли судир на интереси каде треба да реагира антикорупциската комисија?

Ова е ДУИ на денешницата која не се разликува од вчера, која се повикува на легитимноста на Албанците, а истовремено ги срами Албанците со „вечниот" Ејуп, генијалните браќа и „способниот" зет на Невзат Бејта!

Како политички субјект, бараме конкретни одговори од Антикорупциската комисија, но исто така и од вицепремиерот Николовски, одговорен за борба против корупцијата, конкретни одговори за кадрите на ДУИ, дали се согласува со непотизмот на ДУИ?

Дали се тоа професионалните кадри кои премиерот Заев постојано не предупредуваше дека државните институции ќе ги водат способни и докажани кадар“, реагираат од Алијанса на Албанците.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе