Лидерот на ДУИ со изјава на локација меѓу Ропае и Матејче

Ахмети повика на ветинг на функционерите и борба со корупцијата

Повикувам на општа борба против корупцијата и на проверка на секој именуван функционер во државата, тоа е единствениот начин да создадеме подобро утре за граѓаните и земјава да ја доближиме до членство во ЕУ, изјави лидерот на ДУИ Али Ахмети денеска во општина Липково каде посети неколку локации и пресече лента на патот Ропае - Матејче. Во врска со разговорите за влез на Алијанса за Албанците во Владата Ахмети оцени дека тоа може да придонесе за стабилност на владејачкото мнозинство.

Ахмети, придружуван од својот сопартиец Артан Груби, во општината Липково рече дека за него беше најдобро со посета на Липково да се започне со одбележувањето на Денот на албанската азбука.

„Тоа е  местото кое ѝ даде многу на националната кауза“, нагласи Ахмети.

Тој посади дрвце на „Плоштадот на мачениците“ во Матејче, им одаде почит на борците од ОНА на селските гробишта, а потоа го посети регулираното речно корито.

„Мора сите напорно да работиме за унапредување на животот во секое место во државава“, нагласи лидерот на ДУИ.

Во врска со преговорите за влез на Алијанса за Албанците во Владата Ахмети рече дека нема ништо конкретно на тој план зашто „станува збор за почетни средби на кои ништо не е дефинирано“. Според него, влегувањето на Алијанса би значело придонес за стабилноста на стабилност на парламентарното мнозинство, „доколку има позитивен епилог целиот процес".

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе