Политика

Иван Демерџиев, министерот за внатрешни работи на Бугарија и вицепремиер беше на чело на бугарската делегација која положи цвеќе пред гроб от на Гоце Делчев во црквата Св. Спас на чествувањето на 151-годишнината од раѓањето на македонскиот револуционер. Под полициска придружба во секој момент се очекува да пристигнат и бугарските граѓани.

На списокот на македонското МВР на лица на кои денеска не би им бил дозволен влез во земјава се 14 бугарски државјани, јавува Бугарската национална телевизија. Во објавата на БНТ нема имиња.

Претседателот Стево Пендаровски денеска присуствуваше на државниот свечен настан и одбележувањето по повод раѓањето на Гоце Делчев. Во чест на 151 годишнината од раѓањето на великанот на македонското револуционерно дело и државност, претседателот Пендаровски положи свежо цвеќе на неговото вечно почивалиште во дворот на црквата Св. Спас во Скопје.

МВР официјално соопшти дека компјутерскиот систем на граничните премини е паднат и засега е отежнат влезот во Македонија. Бугарски државјани кои утрово тргнаа кон Скопје за да се поклонат на гробот на великанот Гоце Делчев, не можат да влезат во државата и предизвикуваат вербални расправии со македонската полиција.

Агенцијата за аудио и аудиовизуелни медиумски услуги го осудува селективниот пристап на Владата за акредитирање на дел од медиумите за следење на настанот на кој се одбележува 151-та годишнина од раѓањето на македонскиот револуционер Гоце Делчев.

Веќе неколку дена околу црквата Свети Спас во Скопје видливо е големот полициско обезбедување пред денешното одбележување на 151-годишнината од раѓањето на македонскиот револуционер, Гоце Делчев. Најавено е пристигнување на група од 150 Бугари и неколкумина бугарски функционери. Министерот за внатрешни работи Оливер Спасовски во бројните негови телевизиски настапи вели дека сите делегации кои се пријавени ќе можат да положат цвеќе и да го чествуваат раѓањето на македонскиот великан Гоце Делчев.