ВМРО-ДПМНЕ: Заев е очаен и има патолошка потреба за власт

Коалиционите партнери на Заев од Алијанса за Албанците кои како мираз му ја носат тиранската платформа вчера уште еднаш потврдија дека не им е битен државниот интерес, туку националното прашање на Албанците, соопшти ВМРО-ДПМНЕ.

„Поголема потврда од тоа дека од Алијанса за Албанците ќе коалицираат заради исполнување на барањата од тиранската платформа со СДС, а не за некакoв „граѓански концепт“ кој Заев ни го продава, НЕМА.

Зоран Заев е очаен и има патолошка потреба за власт. Заев во власта гледа единствена надеж за спас и амнестија од сите криминали кои ги има сторено тој и неговата криминогена врхушка во врвот на СДС.

Заев не излезе и не го осуди својот иден коалиционен партнер кој албанските национални интереси ги става над интересите на Република Македонија, исто како што не собра храброст да го осуди и Зијадин Села, Еди Рама и Дитмир Бушати.

Заев не смее да осуди ниту една антидржавна изјава која доаѓа од неговите официјални партнери кои му ги дадоа потписите за реализација на тиранската платформа. Заев е заробеник на желбата за власт и е спремен да проголта секоја антидржавна изјава, само за да направи Влада“, се вели во партиското соопштение.

Оттаму додаваат дека граѓаните не сакаат двојазичност, бинационалност, двојазични банкноти, промена на знаме, химна и грб и промена на името по грчки терк, а најмалку сакаат федерализација на државата.

„Граѓаните се гневни и со право се чувствуваат изиграни од Заев кој им приреди постизборен инжинеринг“, вели ВМРО-ДПМНЕ.

Не треба да паднеме во замката која не втурнува во спиралата на континуирано себепоништување.

повеќе

Инвестицијата за изградба на автопатиштата Штип-Миладиновци и Кичево-Охрид повеќе личи на наш подарок за Кинезите, отколку на вистинска инвестиција.

повеќе

На заштитата на животната средина треба да се гледа како на животно важен дел од управувањето на државата.

повеќе