РЕАКЦИЈА НА ДОЈЧЕ ВЕЛЕ

МНР на Русија: Лавров никогаш не зборувал за поделба на Македонија, ЕУ и САД го подриваат суверенитетот на земјата

Министерството за надворешни работи на Русија соопшти дека во написот на македонската редакција на „Дојче веле“ се прави обид на шефот на руската дипломатија Сергеј Лавров да му се припише некаква идеја за поделба на Македонија, што претставува чиста провокација чија цел е да ги подгрее тензиите во земјата.

„Лавров никогаш не дал таква изјава. Напротив, тој секогаш ги осудувал ваквите и слични на овие наводи“. Министерството соопштува дека идејата за поделба на Македонија е на американскиот конгресмен Дејна Рорабакер, истакнат албански лобист.

„Очигледно е дека оваа измислица е направена со цел да провоцира, да се извалка имиџот на Русија на Балканот, но и да ги подгреат тензиите во Македонија. Администрацијата на САД и ЕУ, со користење на деструктивните методи како „шарените револуции“ и со обидите да се воспостави власт која не е во склад со јавното мислење искажана на изборите на 11 декември 2016 година, претставува директно мешање во внатрешните прашања на Македонија.

Уверени сме дека ваквите потези  водат кон подривање на суверенитетот и територијалниот интегритет на Македонија“, соопшти Министерството за надворешни работи на Русија.

Претходно, на овој напис реагираше и Амбасадата на Руската федерација во Македонија.

Таквата федерализација, како што нѐ учи балканското искуство е само преодна фаза која води кон распад на земјата.

повеќе

Во Македонија мора да се случи мирен премин на власта. Така мора да биде и по изборите од 2016 година. Во спротивно, земјата ќе се третира како „пиратска“ или како „разбојничка“ држава.

повеќе

Ако државата е заробена, а институциите не работат - мислам дека е потребно да се употреби сценариото како со АВНОЈ и АСНОМ во Втората светска војна.

повеќе