Министерство за труд и социјална политика

Вонреднa инспекциja во градинката во која на децата им ја пуштале „Жена од Султана“

Откако и по медиуми се објави видеото кое го сподели револтиран родител, на кое се гледа како воспитувачка на деца во градинка им ја пушта турбо - фолк песната „Жена од султана“, (Жената на султанот), Министерството за труд и социјална политика соопшти дека во градинката ќе биде извршена вонредна инспекција.

„Во врска со информациите, што беа објавени во порталот Слободен печат, дека во детска градинка во Општина Карпош на децата им се пушта несоодветна музика, Министерството за труд и социјална политика ја информира јавноста дека веднаш ќе испрати вонреден инспекциски надзор во соодветната установа за згрижување и воспитување на децата.

Јавните установи за згрижување и воспитување на деца работат врз основа на Програма за рано учење и развој која воспитно - згрижувачкиот кадар е должен да ја спроведува. Надлежните инспекциски служби ќе ја утврдат фактичката состојба околу спроведувањето на Програмата, по што ќе предложат соодветни мерки“. се вели во соопштението.

Инаку, на видеото, кое родителите го добиле од самата воспитувачка, со цел да се покажат активностите со децата, се гледа како деца играат на песната  „Жена од султана", која таа им ја пуштила,  а во еден моменти им вика: „Ајде пејте сите инаку ќе ви ја исклучам".

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе