Во софиската болница останува само еден од повредените патници, четворица се пренесуваат во Скопје

Денеска од софиската болница „Пирогов“ се испишани уште четворица од повредените во сообраќајната несреќа што се случи на автопатот „Струма” во Бугарија кога се запали македонски автобус, информираат од болницата. Во болницата остана само еден од повредените патници.

Бугарските медиуми јавуваат дека овие четворица пациенти се преземени од македонски медицински екипи и лекувањето ќе го продолжат во Клиничкиот центар во Скопје. Пациентите се отпуштени од Клиниката за изгореници и пластична хирургија, а во последните 24 часа нема промена во нивната состојба.

Претходно министерот за здравство Венко Филипче кажа дека двајца пациенти, кои беа повредени во несреќата со македонскиот автобус во Бугарија, а кои по лекувањето во болницата „Пирогов“ во Софија се хоспитализирани на скопската Клиника за пластична хирургија, денеска ќе бидат испишани на домашно лекување.

„Тие се во добра здравствена состојба, ќе продолжи третманот во делот на психилошката поддршка“, информираше Филипче.

Тој најави дека денеска се очекува во земјава да се вратат тројца од седумте преживеани во автобуската несреќа во Бугарија, меѓутоа од софиската болница соопштија дека денеска се отпуштени вкупно четворица.

Со тоа во „Пирогов“ на лекување останува уште само еден од преживеаните во несреќата и тој се наоѓа на Клиниката за неврохирургија.

Според лекарите од софиската болница, неговото закрепнување поминало без проблеми и почнал да се движи по две операции – на потколеницата и на ‘рбетот.

 

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе

Зголемувањето на цените на храната се случува од причини кои се многу посложени отколку зголемувањето на другите цени, така што справувањето со тие причини бара различни стратегии. 

повеќе