Во Македонија детектирани 8 соја на вирусот ковид-19

Идните мерки за спречување на ширењето на ковид-19 ќе зависат од целосната епидемиолошка состојба и од анализите што се прават во МАНУ за тоа дали има дополнителни мутации на вирусот кај последните новодијагностицирани ковид случаи.

„Кај нас досега се детектирани осум соја на вирусот ковид-19. Од последните летни месеци па наваму преовладуваат два соја, меѓутоа во  овој момент се прави генетско секвенционирање и анализи на вирусот од последните две недели за да видиме дали има некаква мутација којашто е можеби слична на онаа што ја има во Велика Британија. Неделава ќе знаеме дали има дополнителна мутација  на последните новодијагностицирани случаи во последните две недели“, вели министерот за здравство Венко Филипче.

Според него, сега има значаен пад на новодијагостицирани случаи што значи дека мерките од пред неколку месеци дале резултат и потсети дека сега „сме во период во кој ќе треба да видиме и процениме што понатаму“.

„Болниците се навистина подиспразнети, повеќе од 50 отсто од капацитетите на болниците ширум државата се празни, првпат после сериозно долг временски период и на Инфективната клиника има слободни кревети. Од следната недела во функција се враќаат повеќе одделенија, офталмологија и оториноларингологија почнуваат со редовна работа, така што  ние сме во стабилна ситуација, но тоа не значи дека треба да бидеме помалку внимателни“, изјави тој.

Во спротивно, предупреди, би можеле да се соочиме со трет бран иако засега нема такви знаци и ситуацијата е стабилна.

 

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе