Владата објави сметка за донации за справување со кризата од коронавирусот

Владата денеска објави сметка за донации за помош и поддршка за справување со економско-здравствената криза предизвикана од коронавирусот КОВИД–19.

Како што информира Владата, целта на донацијата, во вид на парични средства кои ќе се користат за помош, е поддршка за активностите за спроведување на мерките за справување со кризата од коронавирусот во земјата.

„Уплатата на средствата (во денари) за донација се врши на образец ПП 50, и се пополнува на следниов начин: Назив на примач: Трезорска сметка, Влада на Република Северна Македонија, банка на примач: НБРСМ, трансакциска сметка: 100 000000063095, сметка на корисник: 0400100078785С9, приходнa шифра: 744111 (за правни лица), приходнa шифра: 744211 (за физички лица), програма: Р1, цел на дознака: Финансиска помош – КОВИД – 19“, се наведува во владиното соопштение.

Владата дополни дека донаторите што ќе одлучат да донираат финансиски средства се стекнуваат со право на даночно олеснување за кое е потребно да достават извештај за дадена донација/спонзорство (образец „УЈП-ИДС/ДВ"), во Управата за јавни приходи.

Договорот за доделување на средства по основ на донација во име на Владата го потпишува генералниот секретар и според одредбите од договорот, примателот на донацијата се обврзува сите добра од овој договор да ги стави во остварување на мерките за справување со коронавирусот во земјата.

„Примателот на донацијата со овој договор изјавува дека со денот на потпишување на овој договор се смета дека ги има примено средствата и има обврска да го извести давателот на донацијата најбрзо што може доколку се утврдат значителни отстапувања во суштината или во текот на активностите на донацијата“, соопшти Владата.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе