Соопштение на Светиот архиерејски сабор

Реален е дијалогот за евентуално иден конечен статус на MПЦ, порача СПЦ

Во соопштението објавено на официјалниот сајт на СПЦ се вели дека од МПЦ-ОА бил добиен акт со кој го прифаќа општопризнатиот канонски статус, што ѝ е доделен во 1959 година од страна на Светиот архиерејски собор на СПЦ и дека „со воспоставувањето на единство на канонска основа и под услови на важење на канонскиот поредок на целото подрачје на СПЦ, дијалогот за идниот и евентуално коначен статус на епархиите во Северна Македонија не само што е можен, туку е и целисходен, легитимен и реален“.

Во соопштението на СПЦ се вели:

Примајќи го актот од Светиот aрхиерејски синод на Македонската православна црква – Охридска Архиепископија, со кој таа го прифаќа општопризнатиот канонски статус, што ѝ е доделен во 1959 година од страна на Севтиот архиерејски собор на Српската православна црква и во кој изразува надеж дека СПЦ братољубиво ќе го решава и ќе го реши прашањето за нејзиниот конечен канонски статус, за кој треба да следи и сѐправославна согласнот за прифаќање на тој статус, Светиот архиерејски собор одлучи:

-Со благодарност на Господа и со радост Саборот го поздравува прифаќањето на општопризнатиот канонски статус, а тоа е статус на најширока можна автономија, односно полна внатрешна самостојност, доделен уште во 1959 година.

-Бидејќи со ова се отстранети причините за прекин на богослужбеното и канонско општење, предизвикани со еднострано прогласената автокефалност во 1967 година, се воспоставува полно литургисоко и канонско општење.

-Со воспоставувањето на единство на канонска основа и под услови на важење на канонскиот поредок на целото подрачје на СПЦ, дијалогот за идниот и евентуално коначен статус на епархиите во Северна Македонија не само што е можен, туку е и целосходен, легитимен и реален.

-Во дијалогот за нивниот иден и евентуално коначен канонски статус СПЦ ќе се раководи само и исклучиво од еклисиолошко-канонските и црковно-пастирските начела, мерила и норми, не водејќи се притоа од „реалполитичките", „геополитичките" и „црковнополитичките" и други слични дадени работи за еднострани иницијативи и не подлегнувајќи на никакви влијанија, или притисоци.

-И на крајот, Саборот нема намера по решавањето на статусот да ја условува новата сестринска Црква со ограничувачки клаузули во поглед на опсегот на нејзината јурисдикција во матичната земја и во дијаспората, со препорака прашањето за своето официјално име да го реши во непосреден братски дијалог со гркофонските и останатите помесни цркви.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе