Сите се со претходни други заболувања

70 пациенти на возраст од 60 до 93 години го победија ковид-19 на Геријатрија

Вкупно седумдесет повозрасни пациенти кои беа заразени со ковид-19, а се сместени во ЈЗУ Специјализирана болница за геријатриска и палијативна медицина „13 Ноември" Скопје, успеаја да се изборат со вирусот. На прашањата на МКД.мк за состојбата со пациентите кои беа заразени и кои успеале да го победат вирусот, од Министерството за здравство ни одговорија дека од ковид-19 оздравеле 70 пациенти на возраст од 60 до 93 години и сите имале други болести. Ковид-19 го победиле и 10 пациенти под 60 годишна возраст.

Според статистиката на Министерството за здравство, во ЈЗУ Специјализирана болница за геријатриска и палијативна медицина „13 Ноември" Скопје од почетокот на пандемијата, лани во март до денес, вкупно се заразиле 134 пациенти на возраст од 42 до 95 години. 

Од нив, од ковид-19 во моментов се лекуваат 25, 80 оздравеле, а починати се 29 пациенти. 

Годишната возраст на излекуваните пациенти кои престојувале во ЈЗУ Специјализирана болница за геријатриска и палијативна медицина „13 Ноември" Скопје е: под 60 години - 10 пациенти, од 61 до 70 години - 12 пациенти, од 71 до 80 години - 34 пациенти и над 80 години - 24 пациенти.

„Сите пациенти кои биле заразени со ковид-19, а се излекувани имаат коморбидитети и тоа најчесто кардиоваскуларни заболувања, дијабет, хронични бубрежни болести, состојба по мозочен удар, деменции и малигноми. Најголем дел од заразените лица од сите возрасти се оздравени благодарение на навремено дијагностицирање и медицински третман и нега", велат од Министерството за здравство за МКД.мк.

Бидејќи во оваа болница од март, односно од почетокот на пандемијата забранети се посети, прашавме и дали е утврдено како заразата влезе во оваа болница.

Од Министерството за здравство  пред еден месец во одговор, ни појаснија дека точно не се знае, но можно е или да е преку вработен или преку новопримен пациент кој можеби имал лажно негативен тест.

К.Д.

 

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе