Во последните два месеца

Вината на „Тиквеш" и „Tikveš Châteaux & Domainеs" се закитија со 37 медали на светски натпревари

Вината на „Тиквеш" и „Tikveš Châteaux & Domainеs" во последните два месеца се закитија со 37 медали на светските натпревари. На годинашното издание на „Balkan International Wine Competition" освоија 15 медали од кои 10 злата и двојни злата.

Црвеното „Барово" од бербата 2018 доби трофеј за најдобра автохтона црвена сорта. Двоен златен медал освоија „Chateau de Gourdon Terrasse a L'Ombre", „Chateau de Gourdon Vase de Pierre" и повторно „Барово" црвено, сите од бербата 2018. Постигнувањата на „Тиквеш" се остварени во конкуренција од околу 1.000 вина од Балканот, Централна и Источна Европа.

„Последниве награди се уште една потврда за врвниот квалитет на нашите вина, кои и на овие светски вински натпревари блеснаа во полн сјај. Нивното значење е огромно бидејќи укажува дека високото ниво на квалитет го одржуваме во континуитет. Исто така, големиот број на освоени награди е знак дека високиот квалитет е одлика на речиси сите вина од нашето портфолио. На ваков начин продолжуваме да го трасираме ѕвездениот пат на Тиквеш", изјави Радош Вукиќевиќ, генерален директор на Винарската визба „Тиквеш".

На овој натпревар му претходеа и реномираниот француски вински натпревар „Citadelles Du Vin", како и еден од највлијателните натпревари за вино во светот „International Wine Challenge" кој се одржа во Лондон. На овие две вински натпреварувања вината на „Тиквеш" и „Tikveš Châteaux & Domainеs" освоија 22 медали и признанија, меѓу кои и специјалната награда „MACEDONIA SPECIAL PRIZE", доделена на „Citadelles Du Vin" за розето „Alexandria Cuvée" од бербата 2020.

Во текот на мај и јуни оваа година „Тиквеш" се закити со вкупно 37 нови награди и признанија на три различни вински натпревари. На винарницата ѝ беа доделени две специјални награди, три двојни и седум единечни златни медали, 15 сребрени и осум бронзени медали, како и шест пофалби. Вината на „Тиквеш"од почетокот на годинава освоија 48 медали и признанија на престижни натпревари одржани во Кина, Франција, Германија и Велика Британија.

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе