Се работи за избирачки места во гимназијата „Гоце Делчев“ и во селата Брзак и Умин Дол.
„Утринава во Куманово отворени беа 164 од 167 избирачки места. Три не се отворени. На избирачкото место 1.075 УБИГ апаратот не беше во функција подолго од три часа и покрај сите обиди да се донесат нови. Истото се случи и на гласачкото место 1.100. Во избирачкото место 1.090 изгубен е печатот“, изјави Елизабета Стојковска, претседателка на Општинската изборна комисија.
На сите три места не е продолжено гласањето и веројатно ќе биде повторено.
Вечерва ќе одлучуваме за овој проблем и ќе постапиме по закон, изјави Александар Даштевски, претседателот на Државната изборна комисија.
