Се размислува за викенд без ДДВ за прехранбени производи за време на празниците, вели Бесими

Фатмир Бесими, министерот за финансии денеска обелодени дека се размислува да се воведе викенд без ДДВ кој ќе важи само за прехранбените производи и кој би се спровел во текот на една или две недели за време на празници.

„Сакаме да им дадеме можност пред се за граѓаните со понизок социјален стандард за време на празниците да си дозволат да слават, а да не плаќаат данок. Мислам дека како општество можеме да си го дозволиме тоа,“ рече Бесими на денешната прес-конференција во Владата на која заедно со премиерот Димитар Ковачевски го презентираа новиот даночен концепт.

Исто така се размислува и за одданочување на екстра профитот што го остваруваат некои големи компании. Ваквата идеја, како што посочи Бесими, произлегла од јавните дебати што беа организирани во изминатиот период за концептот на даночната реформа но, за ова најави дека ќе се разговара со бизнис заедницата со цел да се изнајде најсоодветното решение.

„Направивме симулации. Ако таква мерка се применеше за 2021 година во Буџетот ќе имавме инкасирано 50 милиони евра за оваа година. Ќе следи јавна и интензивна дебата со јавноста и бизнис заедницата дали кај нас има услови тоа да го направиме,“ рече Бесими. 

 

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе