Според податоците на Светската здравствена организација - СЗО возачите кои користат мобилен телефон имаат за четири пати повеќе шанси да предизвикаат сообраќајна несреќа во споредба со возачите кои не користат мобилен телефон.
Според Републичкиот совет за безбедност на сообраќајот на патиштата - РСБСП одвлеченото внимание кај возачите како ризик-фактор, кој ја загрозува безбедноста на сообраќајот на патиштата, има тренд на зголемување, со постојаниот развој на технологијата и сѐ поголемото користење во возилата. Според некои меѓународни истражувања, одвлеченото внимание на возачот е причина за 20 до 25 проценти од сите сообраќајни незгоди.
Истражувањето на РСБСП од 2018 година покажува дека во нашата земја 63 проценти од возачите користеле мобилен телефон при возење, додека според истражувањата на светско ниво тоа е околу 45 проценти.
