Халкбанк трета година по ред на 8 Септември во Маврово ја организира велосипедската трка Халк вело грин

И годинава, на 8 Септември, трета година по ред, во Маврово ќе се одржи хронометар велосипедската трка Халк вело грин чиј организатор е Халкбанк АД Скопје како дел од општествено одговорните активности на банката насочени кон негување здрави животни навики и заштита на природата, а кои се реализираат преку платформата Халк еко (HalkEco).

Започната во 2020 година, во екот на пандемијата со ковид-19, трката побуди голем интерес кај вљубениците во велосипедизмот што придонесе таа да прерасне во традиционална спортска манифестација. Во првата трка, што беше организирана со запазување на сите тогаш важечки мерки и протоколи врзани за организирање настани во услови на ковид-19, бројот на учесниците беше ограничен на 300, од кои 100 велосипедисти се натпреваруваа во категоријата ПРО наменета за професионалци, членови на велосипедската федерација и сите кои се чувствуваат подготвени да се натпреваруваат со овие велосипедисти, а 200 во категоријата ХОБИ – оние кои рекреативно возат велосипед. Големиот интерес за учество во трката и во услови на пандемија покажа дека и кај нас расте бројот на корисници на велосипедот, било како превозно средство, било како начин за рекреирање и спортување. Халкбанк за најдобрите мажи и жени велосипедисти во двете категории обезбеди вредни награди.

Ланската трка Халк вело грин (Halk Velo Green) беше збогатена со нова категорија ПРО кидс за деца од 6 до 12 години и млади од 13 до 17 години. Бидејќи велосипедизмот сè почесто станува семеен спорт, со ова се овозможи цели семејства да можат да спортуваат и да се забавуваат бидејќи настанот освен спортски доби и забавен карактер. За најдобрите, Халкбанк лани обезбеди вредни парични награди што ги добија првопласираните тројца победници во секоја од категориите во машка и женска конкуренција.

И годинешната трка, според досегашниот одзив за учество, се очекува да биде уште еден успешен спортски настан каде вљубениците во велосипедизмот ќе можат да уживаат во убавините на Маврово, да спортуваат и да се забавуваат. Пријавувањето за учество трае до 29 август, но доколку максималниот капацитет на учесници биде исполнет порано, пријавувањето ќе биде затворено и пред крајниот рок. Категориите за натпревар остануваат исти, како и патеката Бистра-Леуново-Бистра што треба да се извози, долга 22 километри. За најдобрите велосипедисти во сите категории Халкбанк повторно обезбеди вредни парични награди. За убавата атмосфера ќе се погрижат водителот Викса и ДЏ Гоце Саф, а за анимирање на најмалите ќе бидат „задолжени” маскотата за детско штедење Халки и Ефектива.

Халк вело грин, како дел од платформата Халк еко, е во знакот на тенденцијата на Халкбанк да промовира здрави животни навики кај населението и да придонесува кон зачувување на животната средина, па оттаму уште од првата трка, средствата собрани од котизацијата се користат за засадување нови дрвја. Со парите обезбедени од првата трка беа уплатени 8.000 дрвја за пошумување во Свети Николе, додека оние од втората трка се искористија за обезбедување дополнителни 7.700 садници за овој регион.

Дел од платформата е апликацијата Халк еко, чиј главен поддржувач е Мастеркард, а со нејзино користење при трчање, пешачење или возење велосипед, корисникот добива Халк коинс и освојува различни нивоа што му носат низа подароци и финансиски бенефиции, додека за возврат банката презема обврска за засадување нови дрвја. Од стартот на платформата, Халкбанк има донирано над 33.000 садници во повеќе региони во земјава. Во глобални рамки, компанијата е дел и од коалицијата “Priceless planet”, заедно со Мастеркард, чија цел е да се засадат 100 милиони дрва низ светот во следните 5 години.

Комерцијален текст

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе

Ех какво време дојде, да се стремиме кон нула. Уште повеќе, да постигнеме нула.

повеќе