ЕСМ вчера произведе струја доволна за домаќинствата и малите потрошувачи

„АД ЕСМ во текот на вчерашниот ден произведе 12.660 MWh електрична енергија. Во термоелектраните РЕК Битола, РЕК Осломеј и ТЕЦ Неготино произведени се 12.253 MWh, а во хидроелектраните и во Ветерниот парк Богданци произведени се 407 MWh", соопштија од државното електростопанство и нагласија дека вчера биле целосно задоволени потребите за струја на домаќинствата и на малите потрошувачи исклучиво од сопствени, домашни капацитети.

Во соопштението се додава дека согласно договорот кој го склучи ЕСМ Продажба на 12 октомври за продажба на 1.200 MWh вишоци на електрична енергија за периодот 13 – 18 октомври со Дуферко МК, утрово се продадени последните 200 MWh.

Станува збор за електрична енергија произведена во период од 2 до 6 часот за која Дуферко МК во конкуренција на уште две други компании (ЕТМТ и ДАНСКЕ) понуди цена од 135,7 евра од мегаватчас, велат од ЕСМ.