Бојкотот на машиновозачите продолжува, железничкиот сообраќај и денеска е во прекин

Железничкиот сообраќај во државава и натаму е во прекин, бидејќи машинскиот и извршниот персонал во Железници на РСМ Транспорд АД Скопје продолжуваат со бојкотот додека не исполнат барањата за исплата на материјалните трошоци, како и на првиот дел од платата за февруари.

Бојкотот на машинскиот и извршниот персонал од „Железници транспорт“ продолжува и денеска откако беше започнат вчера попладне, а патничките и товарните возови не сообраќаат од 15 часот вчера, а раководството на „Железници“ останува на ставот оти бојкотот на железничарите е незаконски.

Бојкотот ќе продолжи сè додека на машинскиот и извршниот персонал во „Железници транспорт“ не им бидат исполнети барањата за исплата на материјалните трошоци, како и на првиот дел од платата за февруари, информираше Тони Димовски, претседател на Синдикатот на машиновозачи на Македонија.

Раководството на „Железници Транспорт“, пак, вчера оцени дека бојкотот на железничарите е незаконски, затоа што не бил најавен писмено.

„Незаконскиот прекин на работа, односно штрајк, не е организиран согласно  Законот за работни односи и  Колективниот договор на ‘ЖРСМ транспорт’ АД-Скопје и не е предизвикан поради социјален момент или други услови со извршување на работните задачи, туку од лична корист на машиновозачите, оценија од раководството на „Железници Транспорт“.


 

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе