Азески во посета на Еуроникел

Оваа компанија е третата извозна компанија со 182 милиони евра извоз и 188 милиони евра промет.

Претседателот на Стопанската комора на Северна Македонија, Бранко Азески, во придружба на iзвршниот директор, Антони Пешев, Даниела Михајловска Василевска, менаџер за односи со јавност и Нена Николовска, експерт во Комората, ќе реализираaт работна посета на Општина Кавадарци каде ќе се сретне со градоначалникот Митко Јанчев, раководствата на „Еуроникел“ и на Регионалната комора на СКСМ во Кавадарци.

Посетата, Азески ќе ја искористи да му го честита новиот мандат на градоначалникот Јанчев, долгогодишен претседател на Регионалната комора во Кавадарци, а на средбата ќе се дискутира за врвните приоритети од значење за бизнисот кој ги дефинира Комората како што се: децентрализацијата како основен предуслов за локален економски развој, гасификацијата, патната инфраструктура, урбанизацијата, дуалното образование. За  кавадаречкиот регион, во кој доминира металургијата и земјоделско-прехранбениот сектор, не помалку е важна  пограничната соработка како модел на поттикнување на серија инвестициски процеси и трансфер на знаење.

Еуроникел трета компанија на листата на топ 100 извозници во 2020-та година, со реализиран извоз од 182 милиони евра и остварени приходи од 188 милиони евра, која произведува висококвалитетен никел во форма на фероникел за употреба во индустријата за производство на нерѓосувачки челик и има над 1.000 вработени. Како еден од најголемите работодавачи во државата, со преку 1.000 домашни и стотици меѓународни компании во ланецот на снабдување, има значаен придонес во извозната структура на економијата на земјата.                                                                                                       

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе