073 e префиксот на Мтел, новиот мобилен оператор

Компанијата „Мтел", членка на Телеком Србија групацијата, е нов оператор на пазарот на мобилна телефонија и интернет во државава, со понуда на припејд и постпејд тарифи за кои ќе го користи префиксот 073. Ќе работи преку мрежата на А1 Македонија со сигнал на територија на цела држава со услуги на 500 локации.

Раководството на „Мтел" денеска на прес-конференција најави удвојување на отворените 80 работни места откако пред една година влезе на македонскиот пазар со продажба на сателитска телевизија.

„Веќе имаме 80 вработени и ќе отвориме многу работни места. Посветени сме да ги пронајдеме и вработиме најдобрите стручњаци и сигурен сум дека за брзо време овој број ќе го удвоиме. Планираме да ги вратиме во мода припејд тарифите, бидејќи не сакаме да ги врзуваме корисниците со 24 месечени договори“, рече Владимир Лучиќ, генерален директор на Телеком Србија групацијата.

Марко Лопичиќ, генерален директор на Мтел Македонија, информира дека компанијата во својата понуда има припејд и постпејд тарифи, како и комбинирани пакети услуги од мобилна телефонија, интернет и сателитска телевизија.

„Веруваме дека нашиот припејд сегмент ќе биде вистинско освежување на пазарот, а нашите припејд корисници ќе имаат пристап на апликации МplayTV I Balkan music кои ќе понудат филмски, сериски и телевизиски содржини, како и најдобрата регионална музика“, рече Лопичиќ.

Според податоците на Агенцијата за електронски комуникации, бројот на активни претплатници во мобилна телефонија во државава заклучно со вториот квартал годинава изнесува 1 932 608. А1 Македонија има 48,13 проценти од вкупниот број активни претплатници, по што следат Македонски Телеком со 47,39 проценти, Лајкамобајл со 3,19 проценти, Роби со 1,21 процент, Грин мобиле со 0,08 проценти.

Од резиденцијалните активни претплатници, 754 907 се припејд, а 928 381 постпејд, додека бројот на деловни претплатници изнесува 249 320.

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе