OМД: Тиранската платформа ја претвори политичката во етничка криза

„Народот е тој кој ќе одлучува за иднината на Република Македонија, а не ВМРО-ДПМНЕ, СДСМ или ДУИ, или пак меѓународниот или регионалниот фактор", соопштија денеска од Обединетата македонска дијаспора.

Според ОМД, решавањето на кризата во државата треба да се прави единствено преку институциите на системот на Македонија и со целосно почитување на Уставот, а не, како што соопштиja, преку бојкотирање на македонските институции.

„Ги отфрламе и осудуваме нападите врз суверенитетот и територијалниот интегритет на Македонија, кои беа загрозени со мешањето на албанскиот премиер Еди Рама во внатрешните работи на Македонија, со самото објавување на тиранската платформа на Божиќ. Тиранската платформа ја претвори политичката криза во етничка криза, којашто ја згрозува и социоекономската стабилност на државата, но и на регионот“ смета ОМД.

ОМД соопштија дека граѓанската иницијатива „Илинден 4“, која веќе 22 дена учествуваат граѓани на Македонија низ 33 градови, го разбудила народот во духот на Крушевскиот манифест да каже не за нарушувањето на суверинитетот.

„Дебата за менување на името, знамето, химната и грбот не смее веќе да се отвора, а ОМД и народот нема да дозволат политичките партии и натаму да си играат со иднината на Македонија. Стоиме силно зад суверенитетот и територијалниот интегритет на нашата татковина и ќе продолжиме да лобираме преку нашата мрежа во светот за поддршка на Република Македонија и на македонскиот народ“, се вели во соопштението од ОМД.

Спортските објекти што се изградени со буџетски пари не смеат да бидат извор за заработувачка што ќе заврши во приватни џебови, ниту пак инструмент за манипулација на граѓаните и ширење на клиентелизмот.

повеќе

Политичките кризи, регионалните тензии и влошувањето на демократијата покажуваат дека постои зголемен ризик од конфликт и нестабилност на Балканот.

повеќе

Колумната е објавена на 25 септември 2010 година во весникот „Време“.

повеќе