Зоран Попоски изложува на Месецот на дигитална уметност во Париз

Македонскиот дигитален уметник Зоран Попоски изложува на меѓународниот фестивал Месец на дигиталната уметност во Париз, во периодот 1-30 јуни 2022 година, а тема на фестивалот е мирот, слободата и ставањето крај на агресијата.

На фестивалот Попоски ќе се претстави со видео арт делото „Парче мир“.

„Она што е уникатно за ова уметнички дело е дека сите елементи во него - поезијата, видеото и музиката - во целост се создадени со помош на креативна вештачка интелигенција“, вели Попоски.

Неговото дело е застапено и во посебниот осврт кон фестивалот објавен во Артилери Магазин, реномирано списание за современа уметност што се објавува во Лос Анџелес. 

Второто издание на Месецот на дигитална уметност во Париз вклучува 30-тина светски дигитални уметници, со изложби на дополнета реалност и видео арт на дузина локации ширум француската метропола. Интерактивна мапа со сите локации и застапени уметнички дела е достапна на сајтот на фестивалот.

Фестивалот е конципиран како едномесечна прослава на дигиталната уметност и новите медиуми во организација на светски реномираниот Саем за крипто и дигитални уметности (KАДАФ). 

Зоран Попоски магистрирал уметност во нови медиуми во Австрија и САД, а докторирал студии на културата во Скопје. Досега има реализирано над 100 меѓународни изложби и е добитник на повеќе меѓународни награди за уметност.

 

 

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе