Театар и филм

„Буден Театар“ го најави четвртото издание на Меѓународниот фестивал за детски театар „Фенер“, кој ќе се одржи од 16 до 18 јуни во Македонската опера и балет и во Детскиот театарски центар. Со мото „Децата се важни“, фестивалот „Фенер“ ќе го насочи фокусот на македонското општество кон децата и нивните потреби, без да ја запоставува важноста на културата во нивниот развој.

16 Јуни 2017 - 12:54

Во Кинотека на Македонија од 15 до 19 јуни ќе се одвива третото издание на филмскиот фестивал за музички документарни филмови „Скопје Синема Сити“. Фестивалот се отвора со филм за „Крафтверк“, односно „Поп Арт“, во традиција на претходните изданија кога фестивалот им оддаде почит на Дејвид Боуви и Леонард Коен.

15 Јуни 2017 - 21:06

Претставата „Шумата на моето дрво“ во продукција на независната театарска компанија „Северно од Импакт“ е добитник на наградата за Најдобра претстава на мала сцена на штотуку завршениот меѓународен театарски фестивал „Бабел“ во Романија.

15 Јуни 2017 - 19:22

Театарската претстава „Лерин, полиња жито, ридишта крв“, како дел од ревијата на театарски претстави на „Кино Култура“ и Театар „Навигатор Цветко“, која првпат се реализира како „Пропелер фест“, ќе биде изведена на 15 јуни, во 20 часот, во „Кино Култура“.

15 Јуни 2017 - 10:46

Во организација на Културниот центар „Спона“ на 14 јуни (среда), во 20 часот, во Кинотеката на Македонија, ќе бидат прикажани документарните филмови „Недовршена мисија - Трифун бомбашот 2“ и „Дејан“ во режија на Слаѓан Стојановиќ.

14 Јуни 2017 - 17:07

Со мото „10 години фестивал на француски филм во Македонија“ на 14 јуни во киното „Милениум“ ќе биде отворено јубилејното издание на Фестивалот на француски филмови, кој е значаен за градењето на мостови на соработка помеѓу Франција и Македонија.

13 Јуни 2017 - 21:07

Престижната професионална програма за развој на филмски проекти „Midpoint Feature Launch“, својата прва сесија, во соработка со Агенцијата за филм на РМ, ја одржува од 10 до 16 јуни на Филмската Академија во Охрид, по што ќе следува и втора работилница, која од 15 до 21 октовмри ќе се одвива во Прага. На двете работилници ќе учествуваат 9 проекти, помеѓу кои е селектиран и проектот „19“, на младата режисерка Косара Митиќ.

13 Јуни 2017 - 15:14

Македонскиот народен театар имаше чест да го затвори Драматикеринен фестивал во Грац со претставата „Копање“ во режија на Франц фон Штролхен. Претставата имаше две изведби (на 10 и 11 јуни) на големата сцена во несекојдневниот објект „Дом им Берг“, а двете изведби на претставата доживејаа успех пред преполна сала со повеќе од 600 луѓе, кои ја поздравија актерската екипа со аплаузи и овации.

13 Јуни 2017 - 13:14

Театарската претстава „Антигона и Креонт“ во режија на Нела Витошевиќ, како дел од првиот „Пропелер фест“, на 12 јуни, во 20 часот, ќе ја отвори ревијата на театарски претстави во продукција на „Кино Култура“ и Театар „Навигатор Цветко“.

11 Јуни 2017 - 22:22

„Кинотеката на Македонија одбива да ги прати во Шангај филмските копии (DCP) од филмовите на Милчо Манчевски за ретроспективата на најтрофејниот македонски режисер во Кина“, стои во соопштение пристигнато од „Банана филм“, на што Кинотеката на Македонија реагираше со соопштение во кое ги отфрла обвинувањата.

10 Јуни 2017 - 13:04

Филмот „Патување“ е драма инспирирана од големата пресвртница во британската историја, а скопската публика ќе може да го погледне во големото платно од 08 јуни. Улогите на политичарот Пејсиља и Мекгинис се доверени на актерите Тимоти Спол и Колм Минија, додека режијата ја потпишува Ник Хам, британски режисер и продуцент.

07 Јуни 2017 - 22:02

Во текот на јуни и јули, македонскиот филм „Кога денот немаше име“ на Теона Стругар Митевска ќе биде прикажан на двата престижни фестивали, Сиднеј Интернационален Филмски Фестивал во Австралија и во Израел, на познатиот Ерусалим Филмски фестивал.

07 Јуни 2017 - 21:41

Во рамките на одбележувањето на 20 години од обновувањето на зданието на Црногорско народно позориште, од 31 мај до 07 јуни во ЦНП гостуваат театри од регионот. На 07 јуни на големата сцена во ЦНП, Македонскиот народен театар ќе ја одигра претставата „Ничија земја“ по текст на Данис Тановиќ и Александар Морфов, а во адаптација и режија на Александар Морфов.

07 Јуни 2017 - 18:36

По прес-конференцијата на која беше најавен првиот лауреат на 38. издание на Интернационалниот фестивал на филмската камера „Браќа Манаки“, а од страна на раководниот тим на фестивалот и од претседателот на ДФРМ, Роберт Насков, беа прозвани Агенцијата за филм и Министерството за култура, со соопштение се огласија Агенцијата за филм на РМ и Центарот за филм Битола.

06 Јуни 2017 - 19:24

Големиот италијански и светски кинематографер Џузепе Ротуно е првиот лауреат на „Златна камера 300“ за животно дело на годинашното 38. издание на Интернационалниот фестивал на филмска камера „Браќа Манаки“, што се планира да се одржи од 23 до 30 септември во Битола.

06 Јуни 2017 - 12:47

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе

Не треба да паднеме во замката која не втурнува во спиралата на континуирано себепоништување.

повеќе

Инвестицијата за изградба на автопатиштата Штип-Миладиновци и Кичево-Охрид повеќе личи на наш подарок за Кинезите, отколку на вистинска инвестиција.

повеќе