Проекции на „Ровачки острог“ и „Манастир Тумане – сведоштва“ на фестивалот „Богородичен покров“

На програмата на меѓународниот филмски фестивал „Богородичен покров“ вечер се предвидени проекции на српските документарни филмови „Ровачки острог“ (21:00) и „Манастир Тумане – сведоштва“ (21:30).

„Ровачки острог“ досега е прикажан на фестивалот „Бдење душе” во Србија, на три фестивали во Русија и на фестивал во Украина, а има добиено три награди. Интернационалната премиера беше оваа година во Москва. На фестивалот „Богородичен покров“ се прикажува првпат и на англиски јазик.

„Манастирот Кострикочова е скриен во чудесна природа покрај кањонот на реката Мртвица, во планинската пустина на Црна Гора. Посебен печат на филмот му дава можеби последната филмска снимка на покојниот митрополит Амфилохије, кој зборува за приврзаноста на своето семејство кон овој манастир“, информираат организаторите на „Богородичен покров“.

Документарецот „Манастир Тумане – сведоштва“ во траење од 61 минута прикажува бројни сведоштва на исцеленија од верниците кои го посетиле ова светилиште. Манастирот го посетуваат луѓе од целиот свет, без оглед на верата и националната припадност, барајќи помош и спасение. Се наоѓа на 12 километри од Голубец и е посветен на светиот архангел Гаврил. Главен јунак на документарниот филм е игуменот на манастирот Димитриј, кој сведочи за бројни исцеленија. Во филмот е екранизирана и тајната на туманските светители свети Зосим и свети Јаков. Филмот има добиено награда на фестивалот во Ниш, а прикажан е и на фестивал во Мостар. На фестивалот „Богородичен покров“ се прикажува првпат на македонски и англиски јазик.

Сценариото и режијата е на Бранка Бешевиќ-Гајиќ, монтажа – Невена Јовановиќ, директор на фотографија – Теофил Радовиќ, наратор – Александар Ристановиќ.

 

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе