Почина познатиот водител Лари Кинг

Познатиот американски телевизиски водител Лари Кинг почина на 87-годишна возраст, објавено е на неговиот профил на Твитер.

Фото: Твитер

Според медиумите, Кинг бил хоспитализиран во почетокот на јануари, откако бил позитивен на коронавирусот.

Ветеранот и еден од најпознатите водители на ток-шоу емисии освои многу награди во текот на својата кариера, скоро 25 години ја водеше емисијата на Си-ен-ен „Лари Кинг во живо“, а потоа се префрли на каналот РТ Америка и ја водеше емисијата „Политика“.

„Со длабока тага, Ора Медиа ја објавува смртта на нашиот коосновач, водител и пријател Лари Кинг, кој почина утрово на 87-годишна возраст во Медицинскиот центар Седарс-Синај во Лос Анџелес“, објавено е на Твитер.

Ора Медиа известува дека цели 63 години преку радио, телевизија и дигитални медиуми, со многу илјадници интервјуа и награди, Кинг оставил сведоштво за неговиот уникатен талент.

„Лари секогаш ги гледаше луѓето што ги интервјуираше како вистински ѕвезди на неговите програми, а самиот себеси се гледаше како врска помеѓу гостинот и публиката, без предрасуди. Без разлика дали го интервјуираше американскиот претседател, некој странски лидер, славна личност, личност притисната од скандал или обичен човек, Лари сакаше кратки, директни и едноставни прашања. Тој веруваше дека концизните прашања даваат најдобри одговори и не згреши во тоа верување“, наведе Ора Медиа во објавата на Твитер.

Како што потсетува Индипендент, Кинг во 1987 година имаше силен срцев удар, а во 2017 година открил дека бил лекуван од рак на белите дробови. Две години подоцна, преживеа и мозочен удар.

Легенда под Главна слика

Фото: Твитер

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе