ФИЛМСКИ ПЕЧАТ

Осврт кон Конгресот на ИМАГО на Фестивалот „Браќа Манаки“ е објавен во „Бритиш кинематографер“

„Македонското друштвото на филмски професионалци, како домаќин на ИМАГО, ни овозможи и пријатен престој и ефикасни средби“, пишува новоизбраниот претседател на Меѓународната федерација на кинематографери ИМАГО, Рене Рестад, во текстот објавен на две страници во влијателното филмско списание „Бритиш кинематографер“.

Во изданието за месец ноември од 2016 година, во „Бритиш кинематографер“ (British Cinematographer) објавен е обемен текст на две страници, со шест фотографии, на новоизбраниот претседател на Меѓународната федерација на кинематографери ИМАГО, Рене Рестад, во кој, тој со суперлативи се заблагодарува на директорот на 37-то издание на фестивалот „Браќа Манаки“, Благоја Куновски, и уметничката директорка Гена Теодосиевска, како и на организаторот на конгресот на ИМАГО во Битола, Томи Салковски и неговиот вреден тим, за успешното 37. издние на фестивалот „Браќа Манаки“, во чии рамки, од 13 до 15 септември, успешно беше организиран и Конгрес на ИМАГО.

На почетокот на текстот Рене Рестад му се заблагодарува на Томи Салковски, кој раководеше со организацијата на конгресот на ИМАГО во Битола и на неговиот тим. Веднаш потоа, Рестад пишува и за фестивалот „Браќа Манаки“.

„Им благодарам, исто така, и на директорите на фестивалот, Благоја Куновски и Гена Теодосиевска, што ни овозможија да бидеме дел од овој голем филмски фестивал на Балканот, кој особено се фокусира на важната улога на кинематограферот во продукцијата на филмот. Македонија, градот Битола и филмскиот фестивал ’Браќа Манаки‘ се места со топло срце и одлично организиран фестивал и членовите на ИМАГО ќе го имаат тоа на ум и ќе го промовираат“, пишува претседателот на ИМАГО, Рестад.

Во текот на 37. издание на ИФФК „Браќа Манаки“ се одржа Конгрес на Меѓународната федерација на кинематографери ИМАГО, во која што членуваат околу 50 меѓународни здруженија со повеќе од 4.000 кинематографери од сите краеви на светот. Домаќин на ИМАГО беше Друштвото на филмски професионалци на Македонија.

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе