Театарски фестивал во Нови Сад

Никола Ристановски eдногласно ја доби наградата за најдобра машка улога

Наградата за најдобра машка улога жири - комисијата на театарскиот фестивал „Нов тврдина театар" на сцената на „Српско народно позориште" во Нови Сад - Србија му ја додели на актерот Никола Ристановски за улогата во претставата „Народен непријател“ од Хенрик Ибзен во режија на Нина Николиќ. Токму со оваа претстава на Македонскиот народен театар беше отворено деветтото издание на овој театарскиот фестивал.

Жири-комисијата во состав: Ласло Блашковиќ, писател (претседател на жирито), Јована Балашевиќ, актерка, и Ивана Ѓуриќ Пауновиќ, литературен преведувач, едногласно одлучија наградата за најдобра машка улога да се додели на Никола Ристановски за улогата на Др. Томас Стокман, во претставата „Народен непријател".

Во официјалната програма учествуваа 6 претстави од најголемите театарски куќи од регионот, а во чест на наградените, вчеравечер се одигра претставата „Љубов и вина", во режија на уметничката директорка на фестивалот, Вида Огњеновиќ.

Својата триесет годишна кариера Ристановски успешно ја гради во Македонија и надвор од нејзините граници. Остварил огромен број театарски, филмски и телевизиски улоги. Тој е воедно и најтрофејниот актер во историјата на македонскиот театар.

Претставата „Народен непријател" на 5 ноември ќе гостува и во Италија.

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе