Супериорни оценки за поезијата на Јовица Тасевски-Етернијан

Критички осврт со супериорни оценки за поезијата на Јовица Тасевски – Етернијан неодамна беше објавен во реномираното индиско списание „Болоџи“.

На почетокот на освртот д-р Шаменаз Шеик, доктор на науки по англиска книжевност од Универзитетот на Алахабад, го истакнува фактот дека поезијата на Етернијан е призната на меѓународно ниво заради неговиот поетски гениј и дека е вреднувана со наградата „Восхитувачки поет“ за исклучителен придонес во современата поезија.

Понатаму во текстот, авторката нагласува дека песните на Етернијан се исклучително мистични, исполнети со метафизичка симболика и со митолошки и библиски мотиви, воспоставуваат интертекстуални релации на имплицитен и експлицитен начин и дека имаат слични карактеристики како поетските остварувања на великаните на англиската книжевност, Џон Милтон и Т. С. Елиот, чија поезија исто така е мистична и филозофска. Освен ова, д-р Шаменаз Шеик наведува дека во поезијата на Етернијан се присутни впечатливи трансцендентални слики и дека нејзината спиритуална и митска страна се целосно слеани. 

На крајот на освртот, авторката заклучува дека пристапот на Ј. Т. Етернијан кон пишувањето поезија е многу креативен, сложен, интелектуален и духовен, како и дека во неговите песни може да се најдат длабочина и целосност какви што ретко се сретнуваат денес и затоа неговата книга со избрани песни преведени на англиски јазик претставува вистински подарок за сите читатели од англиското јазично подрачје.

Јовица Тасевски-Етернијан е автор на шест поетски и две критичко-есеистички книги. Неговата поезија е преведена на петнаесетина јазици и објавена е во списанија и антологии во над дваесет држави.

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе