Опера и балет

Шенаесеттиот „Танц фест“ е презакажан за есен и ќе се реализира во различни фази во септември, октомври и ноември 2020 година, соопшти  Културниот центар Интерарт – организатор на фестивалот, кој најави и новини во програмата.

Во Националната опера и балет вечер од 20 часот ќе биде изведена балетската претстава „Самсон и Далила“ на музика на Камиј Сен-Санс во кореографија на Роналд Савковиќ од Хрватска.

Чествувањето седум децении постоење на Балетот кое траеше во целата 2019 година, ќе биде заокружено утревечер со гала балетски концерт од 20 часот и изложба „Живот во движење“ која еден час порано ќе биде отворена во фоајето на Националната опера и балет.

Балетската претстава „Дамата со камелии“ на музика од Џузепе Верди е повторно на сцената на Националната опера и балет вечер од 20 часот, со првенците Марија Кичевска-Шокаровска и Бобан Ковачевски во главните улоги.

Со Вердиевата опера „Аида" вечер ќе биде отворен 47-от фестивал Мајски оперски вечери, на кој до 31 мај ќе бидат изведени шест оперски и една балетска претстава. Вечерите секоја година завршуваат со „Аида", но овојпат и ќе почнат со оваа популарна опера на Верди, во продукција на театарот „Карло Феличе" од Џенова.

Под мотото „Идентитети што не смеат да се пропуштат!", од 4 април на повеќе сцени ќе се одржува 15. „Танц фест". Фестивалот ќе биде отворен в четврток во МНТ со претставата „Идентитети" на Скопје танцовиот театар и ќе биде доделена наградата „Менада" за врвни остварувања во областа на танцот.

Во рамки на изложбата „Македонската мода од минатото" која од 25 февруари до 9 март е поставена во ТЦ „Сити мол", вечер од 19.30 часот ќе има специјален настан – ревија „Моден времеплов на жената во Македонија од 19 до 21 век".