Почина Александар Џамбазов, „Замина нашиот маестро“, објави синот Игор Џамбазов

Познатиот диригент и композитор Александар Џамбазов почина на 85-годишна возраст.  На својот инстаграм-профил, неговиот син и познат актер и музичар Игор Џамбазов напиша: „Си замина нашиот маестро, тивко и нечујно, како што живееше во последните 25 години...од денес, конечно со својата Анче...вечен нека нѝ е споменот на тебе, маестро мој".

Александар Џамбазов е музичка академија завршил во Белград, а целиот работен век го минал во Македонската радио-телевизија, како диригент на Танцовиот и Ревискиот оркестар. Припаѓа на четвртата генерација македонски повоени композитори.

Џамбазов има реализирано безброј студиски снимки и концерти во живо, а настапувал и во странство. Добитник е на над педесетина награди. 

Автор е на голем број песни за деца. Беше иницијатор и долгогодишен диригент на фестивалот за деца „Златно славејче". Пишувал сценска музика и филмска музика („Мементо", за драмите „Мајка", „Двајца на нишалка" итн.) и повеќе дела од класичната музика, меѓу кои и „Рапсодија за Скопје" – за пијано и оркестар (1966), „Седум танцови варијации" – за пијано и оркестар (1977) и др. Компонирал и хорски композиции, како и голем број популарни мелодии.

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе