Во Македонска Каменица

Настапи на Игор Џамбазов, Петар Грашо, Ареа, Љубојна и Нокаут

Во Македонска Каменица во тек се завршните подготовки за тридневниот спортско-музички настан што ќе се одржи од 7 до 9 октомври годинава, а на кој се предвидени неколку концерти на познати музички имиња од земјава и странство. Настанот како што информираа организаторите е продолжение на најаваните концерти во рамки на Каменичко културно лето, кои поради тридневната жалост во Македонска Каменица на крајот од август, беа презакажани за овој месец.

Во рамки на настанот на градскиот плоштад, на 7 октомври концерт ќе одржат Игор Џамбазов и Гуру Харе и главната ѕвезда ма вечерта, хрватскиот поп пејач Петар Грашо. Следниот ден на 8 октомври се концертите на Ареа, Љубојна и Нокаут. Настанот ќе го отворат КУД „Вера Јоциќ" и група „Ајдара", информираа организаторите.

Следниот ден, како што додадоа ќе биде резервиран за спортските настани, кои исто така беа одложени.

„На 9 октомври ќе се одржат велосипедската тура Tour the Kalimanci Lake и првата градска ноќна трка на 5 и 10 километри „Каменица најт ран“. На посетителите од Македонска Каменица и регионот им ветуваме добра забава со познатите музички изведувачи“, додадоа организаторите.

Настаните се во организација на Културно-информативниот центар „Романса“, со поддршка од Рудник „Саса" и Општина Македонска Каменица.

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе