Концерт на студентите по повод Денот на Факултетот за музичка уметност – Скопје

Со традиционалниот концерт, Факултетот за музичка уметност – Скопје при Универзитетот „Св. Кирил и Методиј” во Скопје денеска го одбележува денот од своето основање.

Концертот насловен „Re:Birth-Day – Освојување простори” ќе се одржи на неколку простори во зградата на Филхармонија. По повод прославата на денот на основањето на ФМУ, ќе се одржат повеќе концерти и во наредниот период во рамки на циклусот „Musica Viva” каде ќе настапат студенти од повеќе катедри.

На концертот, ќе учествуваат студентите, но и дел од професорите и уметничките соработници на ФМУ како Драган Даутовски, Кирил Туфекчиевски, Иван Иванов, Зоран Костадиновски, Гордан Спасовски, Ивана Коцевска и гостин од УГД Штип – Виктор Филиповски, кои за оваа пригода подготвија програма која содржи дела од богатиот класичен репертоар, но и современата класика, популарните жанрови, како и традиционална македонска музика.

Публиката ќе има можност да ужива и во изведбите на мешаниот хор „Драган Шуплевски”, камерниот оркестар „Солисти на ФМУ”, како и симфонискиот оркестар на ФМУ под палката на диригентите проф. м-р Сашо Татарчевски и проф. м-р Борјан Цанев.

Најстарата високообразовна институција за музика, балет и танц во Македонија е основана во 1966 година, а покрај високообразовната, врши и научно-истражувачка, уметничка и применувачка дејност од областа на музичката и танцовата уметност. Преку својата дејност директно влијае врз развојот на културата и уметноста во нашето општество, но и во регионот. 

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе