Денеска мултимедијална продукција за млади во Филхармонија

„Ритамот во себе“ е мултимедијална продукција за млада публика на возраст од 11 до 14 години која премиерно ќе биде изведена денеска напладне во Камерната сала на Филхармонија.

На програмата се делата за перкусии во изведба на Антоние Весковски, Благоја Антовски, Атанас Алексов, Влатко Митев, Иван Узунов, Теодор Теодосиевски, Зорица Здравковиќ и Кораб Хајдари . Визуелизацијата е на Емил Петров и Доријан Миловановиќ.

„Филхармонија, која годинава концертната сезона ја реализира под мотото „Филхармонија во движење“, се приклучува во борбата против загадувањето, а во истовреме дава порака дека животот е движење. Ние сме првата генерација која што го чувствува ефектот на климатските промени и можеби последната која има шанса да направи промени. Токму темата за климатските промени и човекот како најголем импакт фактор (фактор на влијание), се инспирација за создавањето на оваа музичка приказна, која за крајна цел го има будењето на индивидуалната свест, а наведува и на критичко и креативно размислување на темата за заштита на животната средина и справувањето со климатските промени“, велат од Филхармонија.

Oдлуката да се спаси животната средина, нагласуваат, мора да потекнува од човечкото срце. Затоа, како што нагласуваат, исклучително е важно да и веруваме на својата интуиција и да го следиме своето срце.

Светот е нашето огледало и тој се менува заедно со нашата сопствена промена. А, ритамот на промените е во секој од нас, велат од Филхармонија. 

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе