Музика

Со голем концерт на битолската група Фотлин од утре 23 декември па сѐ до новогодишниот дочек на 31 декември, платото пред неодамна реконструираниот Офицерски дом ќе биде претворено во празничен плоштад на кој 9 денови под отворено небо ќе се случува програма насловена како „Зимска приказна".

Пламенка Трајковска - гудачки квартет ќе реализира концерти за деца со класична музика со наслов „Музика и танц“. Концертите ќе се одржат на 19 декември - недела во Дом на АРМ со почеток од 11 и 13 часот. 

„Ритамот во себе“ е мултимедијална продукција за млада публика на возраст од 11 до 14 години која премиерно ќе биде изведена во сабота во 12 часот во Камерната сала на Филхармонија. На програмата се делата за перкусии во изведба на Антоние Весковски, Благоја Антовски, Атанас Алексов, Влатко Митев, Иван Узунов, Теодор Теодосиевски, Зорица Здравковиќ и Кораб Хајдари . Визуелизацијата е на Емил Петров и Доријан Миловановиќ.

Во организација на Центарот за аудиовизуелни уметности КААРТС и локалната установа Градски музеј Крива Паланка, кривопаланчани можеа да уживаат во звуците на некомерцијална и класична музика на два целовечерни концерти „Вечер на пјацола” и „Вечер на љубов и гитара”.

Мандолинскиот оркестар „Скопје“ вечер од 19 часот во Националната опера и балет ќе го одржи традиционалниот годишен концерт, со кој ќе одбележи 20-годишен јубилеј. Концертот ќе се одржи под диригентска палка на Рамадан и Ерхан Шукри.

Свечениот концерт во чест на Денот на Факултетот за музичка уметност – Скопје и одбележувањето на 55 години од неговото основање ќе се одржи утре во 20 часот во Фоајето на НУ Национална опера и балет.