Меѓународни археолози ќе го истражуваат подводниот архелошки локалитет Врбник

Група археолози од Швајцарија, Германија и Полска ќе вршат палео-ботаничка анализа на подвoден локалитет Врбник кај Струга. Тие на 5 јуни ќе ги почнат истражувањата на праисториската наколна населба и нејзините културолошки слоеви.

Валентина Тодоровска, археолог, вели дека ќе се истражува и како се хранело населението во тој период и дека наодите од локалитетот Врбник ќе се презентираат и на пошироката јавност. Заинтересираните, по завршувањето на истражувањата, ќе можат со потребна опрема да го посетат локалитетот.

Археолозите сметаат дека Врбник може да биде нова туристичка атракција за домашната и меѓународната јавност.

Лани беше потврдено дека Врбник датира од раното железно време. Тогаш беше пронајден богат археолошки материјал, керамика, садови, разновидни бронзени предмети и накит. Дел од трагите покажуваат дека населбата прекинала да постои по голем пожар.

Праисториската наколна населба меѓу Струга и Калишта, која се наоѓа на 200 мeтри од брегот, е откриена во 1980 година од локалните рибари. Има 500 колци и документиран е простор од 500 квадратни метри. Првите истражувања почнале пред 23 години.

 

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе