ЛИКОВНА ИЗЛОЖБА

Тројца инвентивни автори изложуваат во галеријата „Флукс“

Ликовните автори Ангел Миов, Борче Богоевски и Гоце Јанкуловски на 22 декември во галеријата „Флукс“, во 20 часот, ќе се претстават со заедничка изложба на која ќе ги претстават своите најнови дела.

Во образложението за својот дел од изложбата Ангел Миов потенцира „Кога нема факти - остануваат само зборови“, а потоа набројува:

01. 09.05.2015
02. Венеција
03. Венециско биенале
04. Вино
05. Ќесе
06. Шапка
07. Пица завиткана во алуминиумска фолија
08. Ај-пад
09. Елена
10. Чаша со вино
11. Ташна
12. Цигара
13. Ивана
14. Чизми
15. Рака со чаша вино
16. Тутун
17. Пластично шише
18. Наташа
19. Торба
20. Британија надвор од Европа
21 .Слобода

Борче Богоевски, пак, дава поетско објаснување:

„Езотера Естетик
Еден човек и две очи.
Едното е земско, а другото, духовно.
Тие обете треба да станат едно.
Едно кое гледа и истовремено знае... спознава и расудува.
Но! Пред да види, тоа треба да постане неспособно да солзи.“

Гоце Јанкуловски е вербално прецизен: „Нештата, сами по себе, не се фасцинантни ‒ фасцинирачко е нивното набљудување. Набљудувачот е оној кој (преку сопственото поимање и опит) ги ’осознава‘ или ’мистифицира‘. Обидот за нивно декодирање води кон кристализација на архетипот. Назнаките дадени на почетокот и нивното разбирање ја доградуваат - сликата која самата се гради - (креаторот само се насетува). Акумулацијата на еднододруго поставените објекти е проекција на разложувањето на едното во мноштво (фрактализација). Неименуваното движење предвидува идно доаѓање.“

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе

Не треба да паднеме во замката која не втурнува во спиралата на континуирано себепоништување.

повеќе