ЛИКОВНА ИЗЛОЖБА

Традиционалната „МиниАРТура“ на ДЛУМ е поставена во галеријата на НЛБ Тутунска банка

Друштвото на ликовни уметници на Македонија (ДЛУМ), во соработка со НЛБ Тутунска банка од Скопје, на 6 декември ја отвори изложбата „МиниАРТура“ во изданието за 2016 година. На изложбата се претставени автори-членови на ДЛУМ од цела Македонија, а ќе може да се посети до 15 декември.

За изложбата „МиниАРТура“ од страна на Друштвото на ликовни уметници на Македонија, по осми пат беше доделена наградата „Златна четка“, која оваа година ја доби Лидија Вујисиќ, додека од страна на НЛБ Тутунска банка по четврти пат се додели една откупна награда насловена „НЛБ-МиниАРТ“, која годинава ја доби Емилија Божиновска за делото „Семејство“.

За овој вид на изложба, чии дела имаат мал формат, на која што според веќе усвоените пропозиции делата можат да бидат со максимални димензии 10х10см, авторскиот концепт за оформување на делото најчесто претставува посебен мисловен процес, поради ограниченоста на димензиите и минуциозноста на ликовниот израз.

„Семејство“ на Емилија Божиновска

Духот на минијатурата се гледа преку компактноста на композицијата и способноста на уметникот да се изрази во ограничен формат. Минијатурата не е прикажување на еден детал или исечок од една целина, таа е осмислен концепт во мал формат и претставува хомогена и кохерентна целина на еден индивидуален приказ.

Авторите имаа можност без никакви ограничувања, самостојно да ги бираат медиумите во кои ќе ги изработат и прикажат своите дела, со што се нагласува автентичноста на нивната визија за „големината“ на минијатурата.

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе