ДЛУМ

Шест ликовни уметници добија награди на изложбата „Мал формат 2016“

Друштвото на ликовни уметници на Македонија (ДЛУМ) во соработка со Културно-информативниот центар (КИЦ) од Скопје, ја организираше традиционалната изложба „Мал формат“, која е поставена во галерискиот простор на КИЦ во Скопје. На изложбата се претставени повеќе од 50 автори – членови на ДЛУМ од цела Македонија.

На изложбата „Мал формат“ од страна на Друштвото на ликовни уметници на Македонија беа доделени награди од областа на сликарството, графиката и скулптурата, додека од страна на Културно-информативниот центар, исто така, беа доделени три награди: „Вангел Коџоман“, „Адем Кастрати“ и „Константин Мазев-Коце“.

Од страна на ДЛУМ наградите се доделени на Христина Зафировска за сликарство, Мирослава Цветковиќ за графика и Горан Смилков за скулптура.

КИЦ ја додели наградата „Константин Мазев-Коце“ на Мирјана Масети, наградата „Вангел Коџоман“ на Љупчо Бојаров и наградата „Адем Кастрати“ на Агрон Абдули.

Малиот формат како творечки предизвик претставува честа дневна практика на ликовните уметници. Магијата на „малиот квадрат“ во површина 25х25см претставува искушение и за најголемите мајстори на визуелната уметност. Чувството на внатрешниот порив е да го совлада малиот квадрат, на концизен, лапидарен, понекогаш метафоричен и езоповски начин да го транспонираат собитието и мотивот од големите форми во помалата мерка.

Не верувам дека Суперкупот нема да се одржи во Скопје. Ако намерата беше таква, досега УЕФА тоа одамна ќе го стореше. 

повеќе

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе